Читайте также: Икона «Спас Нерукотворный» Акафист Иисусу Сладчайшему Иконография Спасителя Почему мы почитаем иконы Символика иконы
	Празднование 16/29 августа.

Пречистому Твоему образу покланяемся, Благий, просяще прощения прегрешений наших, Христе Боже, волею бо благоволил еси плотию взыти на Крест, да избавиши яже создал еси от работы вражия. Тем благодарственно вопием Ти: радости исполнил еси вся, Спасе наш, пришедый спасти мир.

Молитва

О Преблагий Господи Иисусе Христе, Боже наш!
Ты древле человеческаго естества Твоего лице пресвятою водою омыв и убрусом отер,
чудесне оное на том же убрусе изобразити и Едесскому князю Авгарю
во исцеление недуга его послати благоволил еси.

Се и мы ныне, грешнии раби Твои, душевными и телесными недуги нашими одержимии,
лица Твоего, Господи, ищем и с Давидом во смирении душ наших зовем:
не отврати лица Твоего от нас, и уклонися гневом от рабов Твоих,
Помощник нам буди, не отрини нас и не остави нас.

О Всемилостивый Господи, Спасителю наш!
Вообрази Сам Себе в душах наших, да во святыне и правде жительствуеши,
будем сынове Твои и наследницы Царствия Твоего,
и тако Тебе, Премилостиваго Бога, нашего,
купно со Безначальным Отцем Твоим и Пресвятым Духом, славити не престанем во веки веков.
Аминь.

К началу страницы