Храм свт.Феодосия Черниговского Покров Пресвятой богородицы

Храм свт.Феодосія ЧернігівськогоХрам свт.Феодосія Чернігівського
тел. 066-996-2243
 
День за днем
Про важливе
Бібліотека
Недільна школа
Милосердя
Сервіси сайту
Главная >> Иконы Храма >> Покров Пресвятой Богородицы >> Молитвы на Покров Пресвятой богородицы

Молитвы на Покров Пресвятой богородицы

Покров Пресвятой богородицы
Читайте также:

Празднование 1 октября/14 октября

Молитва первая

О, Пресвятая Дево, Мати Господа вышних сил, небесе и земли Царице,
града и страны нашея Всемощная Заступнице!

Приими хвалебно-благодарственное пение сие от нас, недостойных раб Твоих,
и вознеси молитвы наша ко Престолу Бога Сына Твоего,
да милостив будет неправдам нашим,
и пробавит благодать Свою чтущим всечестное имя Твое и с верою и любовию покланяющимся чудотворному образу Твоему.

Несмы бо достойни от Него помиловани быти, аще не Ты умилостивиши Его о нас, Владычице,
яко вся Тебе от Него возможна суть.

Сего ради к Тебе прибегаем, яко к несомненней и скорей Заступнице нашей:
услыши нас, молящихся Тебе, осени нас вседержавным покровом Твоим,
и испроси у Бога Сына Твоего:
пастырем нашим ревность и бдение о душах,
градоправителем мудрость и силу, судиям правду и нелицеприятие,
наставником разум и смиренномудрие,
супругом любовь и согласие, чадом послушание,
обидимым терпение, обидящим страх Божий,
скорбящим благодушие, радующимся воздержание,
всем же нам дух разума и благочестия, дух милосердия и кротости,
дух чистоты и правды.
Ей, Госпоже Пресвятая, умилосердися на немощныя люди Твоя;
разсеянныя собери, заблуждшия на путь правый настави,
старость поддержи, юныя уцеломудри, младенцы воспитай,
и призри на всех нас призрением милостиваго Твоего заступления,
воздвигни нас из глубины греховныя и просвети сердечныя очи наша ко зрению спасения,
милостива нам буди зде и тамо, в стране земнаго пришельствия и на страшнем суде Сына Твоего;
преставльшияся же в вере и покаянии от жития сего отцы и братию нашу в вечней жизни со Ангелы и со всеми святыми жити сотвори.

Ты бо еси, Госпоже, Слава небесных и Упование земных, Ты по Бозе наша Надежда и Заступница всех,
притекающих к Тебе с верою.

К Тебе убо молимся, и Тебе, яко Всемогущей Помощнице, с
ами себе и друг друга и весь живот наш предаем, ныне и присно и во веки веков. Аминь.

Молитва вторая

Царице моя Преблагая, Надеждо моя Пресвятая, приятелище сирым и странным Заступнице,
бедствующих помоще и озлобляемых покрове, зриши мою напасть, зриши мою скорбь:
отвсюду искушением одержим есмь, а заступающаго несть.

Ты убо сама помози ми яко немощну, окорми мя яко странна, настави яко заблуждша,
уврачуй и спаси яко безнадежна.
Не имам бо иныя помощи, ни инаго предстательства, ни утешения, токмо Тебе,
о Мати всех скорбящих и обремененных!

Призри убо на мя, грешнаго и во озлоблении сущаго, и покрый мя пресвятым омофором Твоим,
да избавлен буду от зол, мя обышедших, и восхвалю выну препетое имя Твое. Аминь.

Тропарь Покрову Пресвятой Богородицы

Тропарь, глас 4

Днесь благовернии людие светло празднуем, осеняеми Твоим, Богомати, пришествием,
и к Твоему взирающе пречистому образу, умильно глаголем:
покрый нас честным Твоим Покровом и избави нас от всякаго зла,
молящи Сына Твоего, Христа Бога нашего, спасти души наша.

Величание

Величаем Тя, Пресвятая Дево, и чтим Покров Твой честный, Тя бо виде святый Андрей на воздусе,
за ны Христу молящуюся.



Святителю отче наш, Феодосіє, моли Бога за нас!
Покров | Храм святителя Феодосія Чернігівського
© 2009-2023 Храм свт.Феодосія Чернігівського
(03179 Київ, вул. Чорнобильська, 2. тел. +38 066-996-2243)

За благословінням Блаженішого Володимира, Митрополита Київського і Всієї України.

Головний редактор - протоієрей Олександр Білокур , Головний редактор - Олена Блайвас, Технічний редактор - Олександр Перехрестенко


Відвідувачей на сайті: 240