Храм свт.Феодосия Черниговского: Молитвы Пресвятой Богородице «Владимирская»

Храм свт.Феодосія ЧернігівськогоХрам свт.Феодосія Чернігівського
тел. 066-996-2243
 
День за днем
Про важливе
Бібліотека
Недільна школа
Милосердя
Сервіси сайту
Главная >> Библиотека >> Молитвы >> Молитвы Пресвятой Богородице >> Молитвы Пресвятой Богородице перед иконой «Владимирская»

Молитвы Пресвятой Богородице «Владимирская»

Икона Пресвятой Богородицы «Владимирская»
Читайте также:
Память совершается
21 мая (3 июня по нов.ст.; избавление от Махмет-Гирея),
23 июня (6 июля по нов.ст.; избавление от Ахмета),
26 августа (8 сентября по нов.ст.; сретение иконы в Москве и избавление от Тамерлана).
Тропарь, глас 4

Днесь светло красуется славнейший град Москва, яко зарю солнечную восприимши, Владычице,
чудотворную Твою икону, к нейже ныне мы притекающе и молящеся Тебе, взываем сице:
о Пречудная Владычице, Богородице, молися из Тебе воплощенному Христу Богу нашему,
да избавит град сей и вся грады и страны христианския невредимы от всех навет вражиих,
и спасет души наша, яко Милосерд.

Молитва

О Всемилостивая Госпоже Богородице, Небесная Царице,
Всемощная Заступнице, непостыдное наше Упование!

Благодаряще Тя о всех великих благодеяниих, в роды родов людем российским от Тебе бывших,
пред пречистым образом Твоим молим Тя:

сохрани град сей (или: весь сию; или: святую обитель сию) и предстоящия рабы Твоя
и всю землю Русскую от глада, губительства, земли трясения, потопа, огня, меча,
нашествия иноплеменных и междоусобныя брани.

Сохрани и спаси, Госпоже, Великаго Господина и отца нашего (имя рек),
Святейшаго Патриарха Московскаго и всея Руси, и Господина нашего (имя рек),
Преосвященнейшаго епископа (или: архиепископа; или: митрополита) (титул),
и вся Преосвященныя митрополиты, архиепископы и епископы православныя.
Даждь им Церковь Российскую добре управити, верныя овцы Христовы негиблемы соблюсти.

Помяни, Владычице, и весь священнический и монашеский чин,
согрей сердца их ревностию о Бозе и достойно звания своего ходити коегождо укрепи.

Спаси, Госпоже, и помилуй и вся рабы Твоя и даруй нам путь земнаго поприща без порока прейти.

Утверди нас в вере Христовой и во усердии ко Православней Церкви,
вложи в сердца наша дух страха Божия, дух благочестия, дух смирения,
в напастех терпение нам подаждь, во благоденствии – воздержание, к ближним любовь,
ко врагом всепрощение, в добрых делех преуспеяние.

Избави нас от всякаго искушения и от окамененнаго нечувствия,
в страшный же день суда сподоби нас ходатайством Твоим стати
одесную Сына Твоего, Христа Бога нашего,
Емуже подобает всякая слава, честь и поклонение со Отцем и Святым Духом,
ныне и присно и во веки веков.
Аминь.


Святителю отче наш, Феодосіє, моли Бога за нас!
Молитвы Пресвятой Богородице Владимирская | Храм святителя Феодосія Чернігівського
© 2009-2023 Храм свт.Феодосія Чернігівського
(03179 Київ, вул. Чорнобильська, 2. тел. +38 066-996-2243)

За благословінням Блаженішого Володимира, Митрополита Київського і Всієї України.

Головний редактор - протоієрей Олександр Білокур , Головний редактор - Олена Блайвас, Технічний редактор - Олександр Перехрестенко


Відвідувачей на сайті: 4