Храм свт.Феодосия Черниговского Казанская икона Божией Матери

	Читайте также: Икона святителя чудотворца Николая Акафист святителю чудотворцу Николаю Гимнография - термины Православная иконография святых
	Празднование памяти 6/19 декабря и 9/22 мая (перенесение мощей в 1087 г.)

О, всесвятый Николае, угодниче преизрядный Господень, теплый наш заступниче,
и везде в скорбех скорый помощниче!

Помози мне грешному и унылому в настоящем сем житии,
умоли Господа Бога даровати ми оставление всех моих грехов, елико согреших от юности моея,
во всем житии моем, делом, словом, помышлением и всеми моими чувствы;
и во исходе души моея помози ми окаянному, умоли Господа Бога, всея твари Содетеля,
избавити мя воздушных мытарств и вечнаго мучения:
да всегда прославляю Отца и Сына и Святаго Духа,
и твое милостивное предстательство,
ныне и присно и во веки веков. Аминь.

Тропарь, глас 4-й

Правило веры и образ кротости, воздержания учителя яви тя стаду твоему яже вещей истина;
сего ради стяжал еси смирением высокая, нищетою богатая, отче священноначальниче Николае,
моли Христа Бога спастися душам нашим.

Кондак, глас 3-й

В Мирех, святе, священнодействитель показался еси:
Христово бо, преподобне, Евангелие исполнив, положил душу твою о людех твоих,
и спасл еси неповинныя от смерти; сего ради освятился еси, яко великий таинник Божия благодати.

Величание

Величаем тя, святителю отче Николае, и чтим святую память твою,
ты бо молиши за нас Христа Бога нашего.

К началу страницы