Господи Иисусе Христе Боже наш,
призри  милостивным Твоим оком на скорбь и многоболезненный вопль чад Твоих, в земле украинстей сущих.

Избави люди Твоя от междоусобныя брани, утоли кровопролития, отврати належащия беды.
Лишенныя крова введи в домы, алчущия напитай, вдов, сирот и всех плачущих утеши,
разделенныя совокупи, страждущих, болящих и израненных исцели.

Не остави стадо Свое, от сродник своих во озлоблении сущих, умалитися, но скорое примирение яко щедр даруй.
Ожесточенных сердца умягчи и к Твоему познанию обрати.
Не отврати, Господи, лица Твоего от исповедующих святое Имя Твое.

Отче, Сыне и Душе Святый, Утешителю, спаси нас и сохрани души наши!
Умоляем благость Твою, Господи, отпусти нам грехи наши, презри беззакония наши;
отверзи нам дверь щедрот Твоих, Господи,
да придут к нам и во Отечество наше времена мирные,
и по щедротам Твоим милостивно услыши и  прими молитву сию.

Даруй Господи мир и единство Церкви Твоей Святой,
да единем сердцем и едиными усты прославим Тя, Господа и Спасителя нашего во веки веков.
Аминь.