Храм свт.Феодосия Черниговского Корсунская икона Божией Матери

Храм свт.Феодосія ЧернігівськогоХрам свт.Феодосія Чернігівського
тел. 066-996-2243
 
День за днем
Про важливе
Бібліотека
Недільна школа
Милосердя
Сервіси сайту
Главная >> Библиотека >> Молитвы >> Молитва Божией Матери перед иконой «Корсунская»

Молитва Божией Матери перед иконой «Корсунская»

Икона Божией Матери «Корсунская»
Читайте также:

Празднование 9 / 22 октября

Молитва

О Пресвятая Дева, Владычице Богородице,
Единороднаго Бога Слова, всякия видимыя и невидимыя твари Творца и Владыку,
единаго от Троицы Господа, Бога же и Человека, паче естества и слова рождшая,
вместилище Божественное, всякия святыни и благодати приемнице,
в Нейже исполнение Божества пребывает,
благословением Бога и Отца и действом Святаго Духа избранная от всея твари,
славо и неизглаголанное веселие Ангелов, царский апостолов и пророков венче,
чудное и всехвальное мучеников мужество и страдальцев венчание,
присносущных и нетленных воздаяний ходатаице непреложная,
преподобных честь и славо, незаблуднаго пути учительнице, источниче света,
милости неистощимая реко, всяких чудес и дарований духовных море неисчерпаемое!

Тебе молимся и Тебе просим, милостивную Матерь Человеколюбца Владыки,
помиловатися нам, смиренным и недостойным рабом Твоим:
призри милостивно на пленение наше и исцели сокрушение душ и телес наших, в
идимыя и невидимыя рати разори, и всяко столп крепости, оружие во бранех,
воевода и поборница непобедимая буди нам недостойным от лица враг наших.

Покажи на нас древния милости и чудеса Твоя. Яко един есть Царь и Владыка Сын Твой и Бог,
Ты же воистину еси Богородица, от всех родов блажимая, истиннаго Бога по плоти рождшая,
и Того ради вся можеши и сильна еси действовати, елика аще волиши на небеси и на земли.

Исполни убо всякое прошение на пользу коемуждо, Владычице:

подаждь недугующим цельбу,
в мори плавающим тишину и управление,
с путешествующими спутешествуй и соблюдай я,
скобящия утешай, нищету и всякое телесное озлобление облегчи,
душевныя же болезни и страсти телесныя прежде всех потреби
Твоим невидимым предстательством и ходатайством,
яко да путь временныя сея жизни добре и непреткновенно скончаем,
и вечная оная блага Тебе ради во Царствии Небеснем получим.
Изряднее же Тебе вручаемый град сей и всяк град и страну от глада, губительства, труса, потопа,
огня и меча, от нахождения иноплеменных и междоусобныя брани и от напрасныя смерти избави,
и всяк гнев праведно на ны движимый отврати,
благоволением и благодатию Единороднаго Сына Твоего,
Емуже подобает всякая слава, честь и поклонение,
со Безначальным Его Отцем и Присносущным и Животворящим Духом,
ныне и присно и во веки веков.

Аминь.


Святителю отче наш, Феодосіє, моли Бога за нас!
Молитва Божией Матери перед иконой Корсунская | Храм святителя Феодосія Чернігівського
© 2009-2023 Храм свт.Феодосія Чернігівського
(03179 Київ, вул. Чорнобильська, 2. тел. +38 066-996-2243)

За благословінням Блаженішого Володимира, Митрополита Київського і Всієї України.

Головний редактор - протоієрей Олександр Білокур , Головний редактор - Олена Блайвас, Технічний редактор - Олександр Перехрестенко


Відвідувачей на сайті: 190